Qazaqstandyq sportshy qyz álemdik dodada altynǵa qol jetkizdi
NUR-SULTAN. QazAqparat - Qazaqstandyq Dına Dáýletova djıý-djıtsýdan Moscow Grand Slam 2019 týrnırinde altynǵa qol jetkizdi, dep habarlaıdy QazAqparat tilshisi.
Almatyda turatyn Dınanyń anasy Aıgúl Bergenovanyń aıtýynsha, 16 jastaǵy sportshy qyz bul joly 63 kg salmaqta úzdik shyqty.
Buǵan deıin Ábý-Dabıde djıý-djıtsýdan ótken álem chempıonatynda Dına Dáýletova 57 kg salmaqta synǵa túsip, qola júldeni enshilegen edi.
Basqa jarystardy sanamaǵanda, Dına 2018 jyly Ábý-Dabıdegi álem chempıonatynda kúmis medalǵa qol jetkizip, aq belbeýdiń ıesi atanǵan bolatyn.
«Qyzymyzdyń endigi maqsaty - Brazılııada qarasha aıynda ótetin álem chempıonatynda jeńimpaz ataný. Dına sportpen dendep shuǵyldanýmen birge halyqaralyq bıznes akademııasynda oqyp júr», - dedi QazAqparat tilshisine Aıgúl Bergenova.
Eske salaıyq, buǵan deıin Moscow Grand Slam 2019 týrnırinde «altyn» alǵan Móldir Mekenbaeva týraly jazǵan bolatynbyz.
