Qazaqstandyq sportshy Gınnestiń rekordtar kitabyna endi

AQTAÝ. QazAqparat - Mańǵystaýlyq jeti dúrkin álem chempıony Ildar ıAgıaev strıtlıftıng jáne vorkaýt sport túrinen jańa álemdik rekord ornatyp, Gınnestiń rekordtar kitabyna endi, dep habarlaıdy QazAqparat oblystyq sport basqarmasynyń baspasóz qyzmetine silteme jasap.

Gınnestiń rekordtar kitabyna enýine sportshynyń 2021 jyly Kıev qalasynda strıtlıftıng pen vorkaýt-rekordtardan álem chempıonatynda kórsetken jetistigi, ornatqan rekordy sebepshi boldy.

Sportshy 40 fýnt salmaqtaǵy aýyrlyqpen eki qolmen 10 ret beltemirge tartylyp rekord ornatqan bolatyn. Ildar 19 qyrkúıek kúni Gınnestiń rekordtar kitabyna engeni týraly sertıfıkatyn alǵan.

Sportshynyń aıtýynsha, nátıjeni tirkeýge ótinishti shamamen jeti aı buryn jibergen.

«Keıde ótinimdi qaraý jarty jylǵa sozylady. Men ózimniń nátıjem týraly vıdeony Gınnestiń rekordtar saıtyna jiberdim. Bekitýge úsh aı qajet boldy. Keıin meniń rekordym tirkeldi. Rekordshylar tizimin shynymen tolyqtyrǵan Sertıfıkat Londonnan jiberildi. Ol maǵan bir aıǵa jýyq keldi. Al 19 qyrkúıekte men ony aldym», - dedi sportshy.

Mańǵystaý oblysy strıt-vorkaýt jáne strıtlıftıng federatsııasynyń prezıdenti Ildar ıAgıaev strıt-vorkaýt jáne strıtlıftıng qozǵalysynyń óńirimizde ǵana emes respýblıka kóleminde tanytýǵa zor úles qosýda.

«Strıt-vorkaýt pen strıtlıftıng Qazaqstanda resmı sport túri retinde tanylǵanyn qalaımyn. Bul sport túrine qajetti kóńil bólinse, elimizdiń týyn álemdik arenada jıi kóterý múmkindigine ıe bolar edik», - dedi Ildar.