Qazaqstandyq sportshy dzıýdodan ardagerler arasynda Álem chempıony atandy
ASTANA. QazAqparat - Qazaqstandyq sportshy dzıýdodan ardagerler arasynda Álem chempıony atandy. Bul týraly Dzıýdo federatsııasynan habarlady.
18-21 qarasha kúnderi AQSh-ta dzıýdodan ardagerler arasynda Álem chempıonaty ótti. Álem birinshiligine 63 elden 999 dzıýdoshy qatysty. Qazaqstan quramasynan 11 dzıýdoshy qatysyp, el namysyn abyroımen qorǵady.
Atap aıtqanda, jarystyń birinshi kúninde 100 kelide baq synaǵan Jarashýev Nurlan úzdikter qatarynan kórinip, qola medalǵa ıe boldy. Álem chempıonatynyń ekinshi kúninde otandasymyz Kıntonov Murat barlyq qarsylastaryn ıpponmen jeńip, 100 kelide Álem chempıony atandy.
Al 60 kelige deıingi salmaqta tatamıge shyqqan jerlesimiz Kats Aleksandr men 57 kelide beldesken Tynybaeva Ryskúl úshinshi orynnan kórinip, el qorjynyna qos qola medalin saldy.
Jalpy komandalyq esepte Qazaqstan quramasy 1 altyn, 3 qola medalmen 63 el ishinde 20-orynmen Álem chempıonatyn sátti aıaqtady.
