Qazaqstandyq sportshy Brazılııadaǵy sýrdlımpıadalyq oıyndarda qola júldeger atandy
BQO dene shynyqtyrý jáne sport basqarmasynyń basshysy Qaımen Esendııarovtyń aıtýynsha, D.Erjanova 52 keli salmaqta júldegerler qatarynan kórindi.
Onyń sózine qaraǵanda, Dına Aralbekqyzy 2018 jyldan bastap Batys Qazaqstan oblysynyń dene shynyqtyrý jáne sport basqarmasynyń múmkindikteri shekteýli adamdarǵa arnalǵan sport klýbynda (dırektory Áskerbek Nurmuhanov) sport túrlerimen shuǵyldanyp keledi.
Osy aralyqta ol sýrdo dzıýdodan Qazaqstan Respýblıkasynyń chempıony, el kýbogynyń ıegeri atandy. 2021 jyly Frantsııa memleketiniń Versal qalasynda ótken álem chempıonatyna qatysty. Dzıýdo kúresinen Qazaqstan Respýblıkasynyń sport sheberi.
Dına 2004 jyldyń 12 naýryzynda Aqtóbe qalasynda dúnıege kelgen. Qazirgi ýaqytta Batys Qazaqstan oblysy, Báıterek aýdany Mıchýrın aýylynda turady.
«Dına Oral qalasyndaǵy oblystyq estý qabileti buzylǵan balalarǵa arnalǵan arnaıy mektep-ınternatyn támamdaǵan. Búginde qaladaǵy joǵary gýmanıtarlyq-ekonomıkalyq kolledjinde dene shynyqtyrý jáne sport pániniń muǵalimi mamandyǵy boıynsha 1-kýrsta oqıdy. Jattyqtyrýshylary – Temirjan Sultanuly Hasanǵalıev jáne Arman Shyńǵalıuly Baıenov», dedi QazAqparat tilshisine Q.Esendııarov.
Eske sala keteıik, budan buryn Brazılııada jazǵy sýrdlımpıada oıyndary bastalǵanyn jazǵan bolatynbyz.