Qazaqstandyq sportshy bodıbıldıng boıynsha Azııa chempıonatynda altyndy jeńip aldy
ASTANA. 9 qyrkúıek. QazAqparat - Vetnamda ótken bodıbıldıng jáne fıtnes boıynsha 47-shi Azııa chempıonatynda qazaqstandyq sportshy Danııa Tileýimbetova model-fızık dárejesinde altyn medaldy jeńip aldy, dep habarlaıdy vesti.kz portaly.
Bul otandyq sportshylar arasyndaǵy osyndaı deńgeıdegi alǵashqy joǵary jetistik. Qurlyq birinshiliginde barlyǵy jıyrma jeti elden eki júzden astam qatysýshy jınaldy. Bul sportshy mansabyndaǵy tek ekinshi resmı týrnır bolǵanyn atap ótken jón. Bıyl kóktemde Tileýimbetova Qazaqstannyń Ashyq chempıonatynda oıyn kórsetip, tórtinshi oryndy aldy.
«El chempıonatynan keıin men qysqa demalysqa shyqtym jáne ózimniń ári qaraıǵy oıyn kórsetýimdi, tipti, josparlaǵan da joqpyn, biraq, munda meniń jattyqtyrýshym Qaırat Syzdyqov telefon soǵyp, maǵan meniń Azııa chempıonatyna shaqyrylǵanymdy aıtty. Daıyndalýǵa ýaqyt óte az boldy, biraq, men oılanbastan, úıge qaıtyp oralyp, jattyǵýǵa kirisip kettim» - dep áńgimeledi týrnır sońynda baǵy janǵan chempıon.
D. Tileýimbetova: «meniń tegimdi jarııalap jatqan kezde, meniń jeńiske jetkenim túsinikti bolǵan kezde, men bastapqyda, tipti, buǵan sene almadym. Tek bizdiń ánuranymyz oınap, týymyz bıikke kóterile bastaǵanda ǵana men ne bolyp jatqanyn túsindim. Sol sátte men kóz jasymdy toqtata almadym», dep oıyn ortaǵa saldy.
Azııa chempıonatynda oıdaǵydaı oıyn kórsetkennen keıin Tileýimbetova álem chempıonatyna daıyndyǵyn bastaıdy.
