Qazaqstandyq sportshy AQSh-ta arnaıy Olımpıadanyń altyn júldesin ıelendi
ASTANA. QazAqparat - Oraldyq sportshy Los-Andjeleste ótken Dúnıejúzilik jazǵy arnaıy Olımpıada oıyndarynda altyn oljalady, dep habarlady sports.kz.
Aqyl-esi kem adamdarǵa arnalǵan bul sporttyq jarys AQSh-ta 1962 jyldan beri uıymdastyrylyp keledi.
Bıyl básekege álemniń barlyq elinen 7 myń adam qatysty. Ol 15 sport túri boıynsha ótti.
Qazaqstan quramasynda 120 adam boldy, onyń úsheýi - Oral qalasynan.
55 keli salmaq sanatynda dzıýdodan altyn medaldi №15 mektep-ınternatynyń tárbıelenýshisi Dmıtrıı Mýradov ıelendi. Qazaqstandyq Afrıka, Ázerbaıjan, Reseı sportshylarynan basym tústi.
