Qazaqstandyq sport juldyzdary Atyraýdaǵy qaıyrymdylyq velosherýine qatysady
ASTANA. QazAqparat - 30 sáýir kúni Atyraý qalasynda Olımpıada chempıondarynyń qatysýymen qaıyrymdylyq velosherýi ótedi, dep habarlaıdy QazAqparat tilshisi.
Bul týraly búgin Atyraý oblysynyń ákimi Nurlan Noǵaev Ortalyq kommýnıkatsııalar qyzmetinde ótken brıfıngte málim etti.
«Sanaýly kúnen keıin, 30 sáýirde jergilikti kásipker Ibragım Akdrashevtyń qoldaýymen velosherý ótkeli otyr. Velosherýge myńnan astam adam qatysady dep josparlap otyrmyz. Bul sharaǵa Olımpıada chempıondary Aleksandr Vınokýrov, Serik Sápıev, Ilıa Ilın keledi dep kútilýde», - dedi Nurlan Noǵaev óńirdegi «Rýhanı jańǵyrý» baǵdarlamasynyń júzege asýyna arnalǵan baspasóz máslıhatynda.
Oblys ákiminiń aıtýynsha, shara aıasynda qaıyrymdylyq aýktsıony ótkiziledi.
«Jınalǵan qarajattyń barlyǵy jaqynda qurylǵan veloklýbtyń materıaldyq, tehnıkalyq bazasyn jasaqtaýǵa jáne osy sportpen aınalysamyn degen balalardyń qajettiliterine jumsalady. Oǵan qosa, 80 balaǵa kómek kórsetý josparlanyp otyr», - dedi N. Noǵaev.
