Qazaqstandyq soǵys ardageri Máskeýde daýys berdi (FOTO)

MÁSKEÝ. QazAqparat - Shyǵys Qazaqstanda týǵan, UOS ardageri Andreı Tsykýnov QR Prezıdenti saılaýynda daýys berý úshin Máskeýde №215 saılaý ýchaskesine bardy.

A.Tsykýnov QR ShQO Shemonaıha aýdanynda týǵan.

«Ákem maıdanda qaza tapty. Ol kezde kámelettik jasqa tolmaǵan edim, keıin men de qatigez jaýmen shaıqasqa attandym. Ekinshi dúnıejúzilik soǵysta jeńiske jettik. Bizge kómektesken keńes halqy men súıikti qazaq jerime alǵys aıtqym keledi», - dedi soǵys ardageri. A.Tsykýnov maıdanda jaýǵa atylǵan ár on oqtyń toǵyzy Qazaqstanda jasalǵanyn aıtty. Ot pen oqtyń astynan aman kelgen ardager Qazaqstandaǵy saılaý - óte mańyzdy jáne qajetti is ekenin aıtty. -Óıtkeni, halqymyzdy baqytty ári jarqyn bolashaqqa jeteleıtin Otanymyzdyń jetekshi komandırin tańdaý árdaıym mańyzdy», - dedi maıdanger aqsaqal.