Qazaqstandyq Sofı Manasıan ataqty Andjelına Djolımen kezdesti
ASTANA. QazAqparat - Qazirgi tańda AQSh-tyń Los-Andjeles qalasynda turyp jatqan qazaqstandyq talantty jas ártis Sofı Manasıan Instagramdaǵy paraqshasynda Andjelına Djolımen túsken sýretin jarııalady, dep habarlaıdy QazAqparat.
"OMG! Sizderdiń súıikti Sofılerińiz! Búgin! Ataqty Andjelına Djolımen birge!!!" - dep jazdy Manasıan sýrettiń astyna.
with #AngelinaJolie in @asianworldff 🎬 • Vasha lıýbımıtsa Sofı! Segodnıa! S nerealnoı #AndjelınaDjolı )
Olardyń qaı jerde kezdeskeni álemge tanymal aktrısa Andjelına Djolıdiń paraqshasynda jarııalanǵan postta aıtylǵan.
«AngelinaJolie men LoungUng 2017 jylǵy 30 qazanda Asian World Film Festival aıasynda First They Killed My Father kórmesin tamashalap júr» dep jazylǵan Andjelına Djolıdiń postynda.
Djolı ol jerde «Olar áýeli meniń ákemdi óltirdi» atty fılminiń tanystyrylymyna qatysqan. BAQ-tarda jarııalanǵan málimet boıynsha, tanystyrylym jabyq túrde ótken, fılm arnaıy shaqyrýmen kelgenderge ǵana kórsetilgen. Qazaqstandyq ónerpaz búldirshin de osy qurmetti qonaqtardyń qatarynda bolǵan.
Aıta keteıik, qazaqstandyq bıshi Sofı Manasıan túrli halyqaralyq konkýrstarǵa qatysyp, jurt nazaryna ilikken bolatyn. Ol, sondaı-aq, avstrııalyq «Dańqty mınýt» («Mınýta slavy») shoýynda óner kórsetken. Qazir ol ata-anasymen birge Los-Andjeleste ómir súrip jatyr.
