Qazaqstandyq sıqyrshy Gınnestiń rekordtar kitabyna endi

Rýslannyń sıqyr álemi syryn uǵyp, tylsymmen tildeskenine bes jyl. Laqap aty - Mankardı. Fokýsty ǵalamtor arqyly úırenip, ózdigimen sheberligin shyńdaǵan. Eńbegi esh ketpedi. Jýyrda Italııada birneshe saǵat boıy úzdiksiz sıqyr kórsetkeni úshin Gınnestiń rekordtar kitabyna endi.

«2015 jyly qazaqstandyq bir top sıqyrshy Italııadaǵy sıqyrshylardyń chempıonatyn tamashalaýǵa bardyq. Bir orynda tapjylmaı, rekord ornatýǵa irikteý bolyp jatyr eken. Men táýekel etip, bel býdym. 5 saǵat boıyna úzilissiz óner kórsettim. Osylaısha oıda joqta Gınnestiń rekordtar kitabyna kirdim»,-deıdi sıqyrshy Rýslan Ivanchenkov.

Qazaqstanda syry mol sıqyr salasy damýdyń bir soqpaǵyna túspegen. Biraq Rýslan ózimizde de álemge áıgili Garrı Gýdınılerdiń shyǵatynyna senimdi. Máselen, birneshe jyl buryn qurylǵan fokýsshylar klýbynyń ázirge 36 múshesi bar. Rýslannyń aıtýynsha, ár sıqyrshy fokýstyń syryn eshqashan ashpaýǵa óz-ózine sert beredi. Bul - kún saıyn talmaı eńbektenýdi talap etetin sala.

. Rýslannyń negizgi jumysy ǵaryshpen baılanysty. Ol - ınjener. Degenmen úsh qaınasa sorpasy qosylmaıtyn qos salany qatar tizgindegen. Bizdiń kóz aldymyzda alaqandaǵy kartany joq qyldy, dep habarlaıdy 24.kz.