Qazaqstandyq shtýrman Ábý-Dabıdegi rallıde omyrtqasynan jaraqat aldy

Bul týraly Vesti.kz saıty habarlady.

«Jarys bastalǵan boıda, bir jarym shaqyrymnan soń Jalymbetov - Ábiqaev ekıpajy «bıik satydan» jyldamdyqty azaıtpastan ushyp ketti. Ol baıqalmaıtyn jáne roýdbýkte jazylmaǵan bolatyn, - dep áńgimeledi qazaqstandyq aıdaýshylardyń tım-menedjeri Artýr Ardavıchýs. - Ony saldarynan bizdiń shtýrman Marat Ábiqaev omyrtqasynan jaraqat aldy. Ol jaqyn jerdegi gospıtalǵa jetkizilip, dıagnostıka jasaldy. Ony erteńgi kúnge deıin (suhbat 8 sáýirde bolǵan) dárigerdiń baqylaýyna qaldyrdyq. Jaraqat onyń ómirine qaýip týdyrmaıdy. Ol kóńildi, oǵan 9 sáýirge deıin qozǵalmastan jatýy qajet. Bizdiń ekıpajdyń shyǵyp qalýy qıyn boldy, endi basqalarynyń kóbirek jumys jasaýyna týra keledi».

Sondaı-aq A.Ardavıchýs qazaqstandyq sportshylar úshin qıyn kezeńder áli alda ekenin atap ótti.

Eske salaıyq, Abu Dhabi Desert Shallenge-2013 rallı-reıdiniń ekinshi kezeńinde Janat Jalymbetov pen shtýrman Marat Ábiqaev basqarǵan jol talǵamaıtyn mashına jarys jolynan shyǵyp qaldy.