Qazaqstandyq shtangyshy Margarıta Elıseeva Azııa chempıonatynda kúmis medaldy jeńip aldy
AShKENT. Sáýirdiń 13-i. QazAqparat /Qurmat Samarhan/ - Búgin Tashkentte ótip jatqan jasóspirimder jáne jastar arasyndaǵy Azııa chempıonaty aıasynda 17 jastan asqan sportshylar medal jolynda jarysqa shyqty. Qazaqstan atynan 8 aýyr atlet óner kórsetti.
QR ókilderi arasynan birinshi bolyp synǵa túsken Margarıta Elıseeva shtangany julqı kóterýde 71 jáne serpı kóterýde 87 keli salmaqty baǵyndyryp, kúmis medaldy oljalady.
Sondaı-aq medal úshin F. Sıvanbaeva (58 keli), T. Kongrenko (58 keli) jáne E.Seleznev (62 keli) baq synaıdy.
Buǵan deıin habarlanǵandaı, Azııa chempıonatynyń birinshi kezeńinde 1993 jylǵa deıin dúnıege kelgen sportshylarymyz 5 medal enshilegen bolatyn, onyń 2-ýi altyn, 1-ýi kúmis, 2-ýi qola.
