Qazaqstandyq shoý-bıznestegi eń baı 10 juldyzdyń esimderi

Eger otandyq shoý-bıznestegi eń baı juldyzdardyń Top-10-dyǵyn alyp qaraıtyn bolsaq, 2011 jyly olardyń eshqaısysynyń tabysy 1 mıllıon dollarǵa jetpegendigin baıqaýǵa bolady. Forbes-tyń paıymy boıynsha, ǵalamdyq Top-100 selebrıtı reıtıngisin alatyn bolsaq, olardyń tapqan aqshalarynyń qosyndysy 4,5 mlrd. AQSh dollaryn quraıdy. Budan qazaqstandyq naryq óte kishkentaı ári tólemge qabiletsiz degen túıin jasaýǵa bolady.

Elimizdiń eń baı juldyzdaryn ataıtyn bolsaq, birinshi orynda jyldyq tabysy 800 myń dollarmen «MýzArt» toby tur. Top músheleriniń biri Meırambek Besbaev 2011 jyly «Juldyzǵa arnalǵan kokteıl-2» fılmine túsip, naryq qatysýshylarynyń pikirinshe, osy jyldyń eń qymbat ártisteriniń qatarynda boldy. Onyń birkúndik qalamaqysy 7 myń dollardy qurady. 2003-2004 jyldary «MýzArt» Reseı men Qytaıda gastroldik saparmen boldy.

Ekinshi orynda 720 myń AQSh dollar tabysymen tanymal qazaqstandyq ánshi jáne kompozıtor Batyrhan Shúkenov tur. Onyń shyǵarmashylyǵy 1982 jyly «Araı» tobynda bastaldy. B.Shúkenov toptyń saksafonısi boldy.

Úshinshi oryn ótken jyly 700 myń dollar aqsha tapqan jastardyń «Nasha KZasha» baǵdarlamasyna berildi. Prodıýser, júrgizýshi Baıan Esentaeva da qoıan jyly «Nasha KZasha» baǵdarlamasymen birdeı 700 myń dollar tapqanymen, jastar baǵdarlamasyn Yandex-te kóp izdeıtin bolǵandyqtan (78 995 ret) Esentaeva (40417 ret) tórtinshi orynǵa ysyryldy. Baǵdarlama quryltaıshylary 20 serııadan turatyn «Aýyldan qashyp qutylý» fılmin túsirdi, qazir «KZlandııa» jobasyn qolǵa alýda.

Al qazaqstandyq 5 jobanyń prodıýseri B.Esentaeva sarapshylardyń baǵalaýy boıynsha «Juldyzǵa arnalǵan kokteıl» kartınasynan 350 myń AQSh dollar tapty. «Juldyzǵa arnalǵan kokteıl-2» prokatqa shyqqan alǵashqy kúni 5 mln. teńge jınady.

Besinshi orynda asa kóp emes, biraq tym az da emes - 370 myń dollarlyq tabysymen Dılnaz Ahmadıeva tur. Ánshiniń YouTube-taǵy resmı arnasynda 55 tirkelýshi bar. 2011 jyldyń tamyzynan beri arna 25 404 ret qaraldy.  Qazirgi ýaqytta ol Some Toir-dyń prodıýserleriniń biri.

350 myń dollarlyq tabysymen jastardan qalyspaı kele jatqan Qazaqstan estradasynyń qaımaǵy, QazKSR-diń, Qazaqstannyń halyq ártisi, KSRO, Qazaqstan jáne Reseıdiń memlekettik júldeleriniń laýreaty Roza Rymbaeva altynshy orynda tur. Rymbaeva KSRO-nyń eń úzdik 10 ánshileriniń qatarynda boldy. Máselen, 1978 jyly «Áýen joly» hıt-paradynda ol Alla Pýgacheva men Sofııa Rotarýdan keıingi 3-inshi oryndy ıelendi. Qazirgi ýaqytta ol óziniń uly Álı Oqapovqa prodıýserlik etýdi josparlap otyr.

2011 jyly qaltalaryn 300 myń dollarǵa qalyńdatqan FM toby men Mádına Sádýaqasova jetinshi orynǵa talasyp tur. Biraq juldyzdardyń Yandex-tegi tanymaldylyǵyna júginetin bolsaq, M.Sádýaqasova týraly aqparat izdegen 70 395  adam, ony sulý qyzdardan quralǵan toptyń aldyna shyǵardy. FM tobyn Yandex-te 32 071 ret izdegen.

Sádýaqasova úshin eń jaýapty kontsert 1992 jyly ótken «Ánshi balapan» baıqaýy boldy. 1999 jyly oǵan Qyzylorda oblysynyń «Jyl adamy» ataǵy berildi. Onyń birinshi hıty Ermek Elgezekovtyń «Mahabbat jalyny» áni boldy. Ánshi sońǵy ýaqytta, sondaı-aq tanymal júrgizýshilerdiń birine aınalyp úlgerdi.

Segizinshi orynǵa taban tiregen FM tobynyń qazaqstandyq shoý-bıznes naryǵynda júrgenine alty jyl boldy. Toptyń prodıýserleri kelesi jyly onyń quramyn tórt adamǵa deıin tolyqtyrýdy josparlaýda. Toptyń úsh múshesiniń ekeýinde jeke bı mektepteri bar.

Toǵyzynshy oryn 250 myń dollar tabys tapqan ánshi Maqpal Isabekovaǵa berildi. Onyń juldyzdy karerasy SuperStar KZ jobasyna qatysqannan keıin bastaldy. «Esquire Qazaqstan» erler jýrnalynyń pikirinshe 2007 jyly Isabekova «Jyl ánshisi» atandy.

Qazaqstannyń eń baı juldyzdarynyń ondyǵyn jylyna tabatyn 95 myń dollar tabysymen Ásel Saǵatova tuıyqtady. Saǵatova Ell Caffe Mio ıtalıandyq kofehanasynyń ıeleriniń biri. Qazaqstannyń kınoındýstrııasynda eń qymbat ártisterdiń biri sanalady. Ásel túsirý alańynda ótkizgen ár kúni úshin 2 myńnan 5 myń dollarǵa deıin qalamaqy alady. Qatysqan sońǵy jobasy 2012 jyly prokatqa shyǵatyn «Ohota za prızrakamı» fılmi. Kınoǵa kelmes buryn model bolyp jumys istedi.