Qazaqstandyq shorttrekshi «Azııa balalary» oıyndarynyń chempıony atandy
ORAL. QazAqparat – Qazaqstandyq shorttrekshi Meıirjan Tólegen Reseıdiń Kemerovo qalasynda qysqy sport túrlerinen ótip jatqan «Azııa balalary» oıyndarynda jeńimpaz atandy, dep habarlaıdy QazAqparat tilshisi.
Short-trekten BQO quramasynyń aǵa bapkeri, Qazaqstannyń eńbek sińirgen jattyqtyrýshysy Maksım Lozovoıdyń málim etkenindeı, batysqazaqstandyq Meıirjan Tólegen búgin 1 myń metr qashyqtyqta úzdik shyqty.
Taǵy bir batysqazaqstandyq Madııar Madıhov máre syzyǵyn úshinshi bolyp qıdy. Ol qola júldeger atandy.
Oralǵa qarasty Derkól kentinde ornalasqan olımpıada rezervi oblystyq mamandandyrylǵan mektep-ınternat-kolledjiniń 9-synybynda oqıtyn Meıirjan Tólegen budan buryn 1500 metr qashyqtyqta kúmis júldege ıe bolǵan edi.
Shorttrekshilerdi Erhat Qubashev, Danabek Haırov, Maksım Lozovoı syndy jattyqtyrýshylar baptap apardy.
Eske sala keteıik, budan buryn «Azııa balalary» oıyndarynda Qazaqstan shorttrekshileriniń eki medal jeńip alǵanyn jazǵan bolatynbyz.
Sondaı-aq «Azııa balalary» oıyndarynda Qazaqstan qorjynyna taǵy 2 medal tústi.
«Azııa balalary» oıyndarynda qazaqstandyq shorttrekshiler estafetada taǵy 2 medal aldy.
