Qazaqstandyq short-trekshiler Eýropanyń absolıýtti chempıondary atandy
ASTANA. QazAqparat - Lıtvanyń Elektrenaı qalasynda short-trek sportynan jastar arasyndaǵy Eýropa chempıonaty ótti.
Qazaqstandyq short-trekshiler bul básekede qarsylas shaq keltirmedi, dep habarlaıdy dodasport.kz.
Sportshylar 500, 1000 jáne 1500 metrlerde úzdikterdi anyqtady. Keıin jalpy eseptegi jeńimpaz belgili boldy.
Qyzdar arasynda Taıshmanova Ásel absolıýtti chempıon atandy. Otandasymyz barlyq qashyqtyqta da jeńiske jetti. Odan keıingi ekinshi orynda taǵy bir otandasymyz Baqytkereeva Qadısha. Qadısha barlyq qashyqtyqta da Áselden keıin ekinshi oryndy ıelendi.
Uldar arasynda Nurlybek Beıseev jalpy esepte chempıon atandy. Ekinshi orynda taǵy bir jerlesimiz Ifchenko Gleb.
Osylaısha jas short-trekshilerimiz Eýropa chempıonatynda tamasha jeńiske qol jetkizip otyr.
