Qazaqstandyq sheneýnikter qolyna dombyra aldy
Áýeli Saýda jáne ıntegartsııa mınıstri Baqyt Sultanov qazaqstandyqtardy Ulttyq dombyra kúnimen quttyqtap, «Erke sylqymnan» úzindi oryndaǵan bolatyn.
«Jaqynda Ortalyq Azııaǵa jasaǵan saparymda aýǵan shekarasynan 500 metr qashyqtyqta dombyra únin estidim. Elden barǵan delegatsııa jat jerde dombyra únin estip, kóńilderi kóterilip, qol shapalaqtady.
Men qaı elde bolsam da, dombyranyń úni meni árqashan úıime jeteleıdi. Sondyqtan bolar, dombyrany «qazaqtyń jany» dep ataıdy. Qazir «qazaqstandyqtyń jany» dep aıtý durysyraq bolar», -dep jazdy mınıstr Facebook paraqshasynda.
Dombyranyń tarıhy qysasha toqtalǵan Saýda jáne ıntegratsııa mınıstri qandaı zaman kelse de, domybarynyń «sánnen shyqpaıtynyna» senim bildirgen.
Nur-Sultan qalasynyń ákimi Altaı Kólginov te ulttyq ónerden kende emes ekenin kórsetip, kompozıtor Renat Gaısınmen birge Ábdimomyn Jeldibaevtyń «Erke sylqym» kúıin oınady.
Merekege oraı ákim elorda turǵyndary men áriptesterin dombyrada ulttyq kúılerdi oryndaý chellendjine qatysýǵa shaqyrdy.
«Qurmanǵazy, Dáýletkereı, Táttimbet, Dına Nurpeıisova jáne basqa da kóptegen kompozıtorlardyń kúıleri halqymyzdyń jadynda máńgi saqtalady. Elbasy atap ótkendeı, dombyra áýenderi - erekshe mýzyka, al aspaptyń ózi – «qazaqtyń jany». ( ... ) Jetkinshekter men jastarymyzdyń ulttyq aspapta oınaýǵa belsendi qyzyǵýshylyq tanytatyny qýantady», - dep jazdy elorda ákimi óziniń Instagram paraqshasynda.
Eske salsaq, 2018 jyldan beri shildeniń alǵashqy jeksenbisi qazaqtyń tól aspabynyń kúni retine toılanyp keledi.
Keshe Memleket basshysy Qasym-Jomart Toqaev Ulttyq dombyra kúnine arnalǵan kontsertke qatysyp, qazaqstandyqtardy aıtýyl kúnmen quttyqtady.
«Bul – halqymyzdyń tamyry tereńde jatqan tól ónerin dáripteıtin meıram. Qazaq pen dombyra – bir-birinen bóle-jarýǵa bolmaıtyn egiz uǵym. Dombyra – kóne zamannyń ańyzdaryna arqaý bolǵan kıeli aspap. «Aqsaq qulan» kúıiniń shyǵý tórkinin bilmeıtin qazaq kemde-kem. Ejelgi dáýirden jetken qasterli dombyra urpaqtan-urpaqqa mıras bolyp keledi. Qazaq san ǵasyrlyq shejiresiniń kýási bolǵan qasıetti aspapty boıtumaryna balaǵan. Qazirgi tilmen aıtsaq, bul – bizdiń ulttyq brendimiz», – dedi Prezıdent.
Ulttyq óner janashyrlarynyń aıtýynsha, búginge deıin dombyranyń jeti túri joıylyp ketken.
Ulttyq dombyra kúni 2018 jyldan beri shildeniń alǵashqy jeksenbisi qazaqtyń tól aspabynyń kúni retine toılanyp keledi.
