Qazaqstandyq shekarashylar poıyz jolaýshysynan samýraıdyń semserin tárkiledi

«Qazaq-reseı shekarasynda ornalasqan Qostanaı shekara jasaǵyna qarasty «Qaırak temirjol» baqylaý-ótkizý beketiniń shekarashylary Astanadan Sankt-Peterbýrg qalasyna ketip bara jatqan azamatqa shekaralyq baqylaý jasaǵanda onyń sómkesinen sýyq qarýdy tapty», - dep habarlady QR UQK Shekara qyzmetiniń baspasóz qyzmeti.  

Semser qol júgin tekserý kezinde - sómkeden tabylǵan. Qarýdyń uzyndyǵy 46 sm, eni - 2,5 sm, qalyńdyǵy - 5 mm, pyshaǵynyń uzyndyǵy - 29 sm. Qoldan jasalǵan semserdiń salmaǵy 1100 gramm tartady.

Ustalý faktisi boıynsha quqyq qorǵaý jáne olarmen ózara is-qımyldaǵy organdar habardar etildi.