Qazaqstandyq shekarashylar Kaspııde ázerbaıjandyq brakonerlerdi ustady (FOTO)
ASTANA. QazAqparat - Qazaqstandyq shekarashylar Kaspııde Ázerbaıjannyń 4 azamatyn brakonerlerin ustady, dep habarlady QR UQK Shekara qyzmetiniń baspasóz qyzmeti.
«Shekara qyzmetiniń «Jaǵalaý kúzeti» óńirlik basqarmasynyń teńizshileri Kaspıı teńizinde zańsyz balyq aýlap júrgen Ázirbaıjan memleketiniń 4 azamatyn ustady», - delingen habarlamada.
Shekara buzýshylar úlken jyldamdyqty «Saqshy» shekara kemesinen qashyp qutyla almady. Onyń ústine, tóbeden «MI-28» tikushaǵy da kómekke jetip úlgergen edi.
Úsh birdeı qozǵaltqyshy bar «Baıda» dep atalatyn jasandy qaıyq mingen ázerbaıjandyqtar eriksiz qoldaryn kóterip, shekarashylarǵa berildi.
Atalǵan derek boıynsha quqyq qorǵaý organdary habarlandyryldy. Shekara buzýshylar zań boıynsha tıisti jazasyn alatyn bolady.
