Qazaqstandyq shekarashylar apta ishinde 200-den astam quqyq buzýshyny ustady
ASTANA. 19 naýryz. QazAqparat - Qazaqstandyq shekarashylar aǵymdaǵy jylǵy naýryzdyń 11-17-si aralyǵynda shekara aımaǵynda 200-den astam quqyq buzýshyny, 120-dan astam Qazaqstanǵa kelý erejesin buzýshyny ustady. Kontrabanda tasymaldaýdyń 15-ten astam faktisi anyqtalyp, shamamen 13 keli esirtki zaty alyndy, dep habarlady QR UQK Shekara qyzmetiniń resmı saıty.
«Horgos» ótkizý beketiniń shekarashylary óz qyzmetterin atqarý barysynda elimizden Qytaıǵa ótpek bolǵan Qazaqstan azamatshasyn ustady. Onyń jeke zattaryn tekserý barysynda deklaratsııalanbaǵan 12 myń AQSh dollary tabyldy.
Sondaı-aq «Horgos» shekara zastavasynyń kólik quraldary men júkterdi tekserý shekara narıady kóliginde shamamen 2 tonna kontrabandalyq júk bar Qazaqstan azamatyn ustady.
«Qordaı» ótkizý beketinde shekarashylar elimizden Qyrǵyzstanǵa mashınasymen ketip bara jatqan Qazaqstan azamatyn toqtatty. Onyń jeke zattaryn tekserý barysynda deklaratsııalanbaǵan 12 myń AQSh dollary tabyldy.
«Sypataı batyr» shekara zastavasynyń aýmaǵynda ótkizý beketinen tysqary aımaqtan Qazaqstannan Qyrǵyzstanǵa ótpek bolǵan elimizdiń azamaty qolǵa tústi. Atalǵan azamattyń jeke zattaryn tekserý barysynda qol sómkesinen shamamen 5 keli 250 gramm bolatyn esirtki zaty marıhýana alyndy.
«Aýyl t/j» ótkizý beketinde shekara narıady qyzmettik ıttiń kómegimen poıyz kýpesinde ketip bara jatqan Qazaqstannyń 2 azamatynan 7,6 keli gashısh taýyp aldy .
Atalǵan barlyq faktiler boıynsha jedel tergeý amaldary júrgizilýde.
