Qazaqstandyq shekarashylar 2,7 keliden astam esirtki alyp ótpek bolǵan 2 qyrǵyz azamatyn ustady
ASTANA. 5 qańtar. QazAqparat - Mereke kúnderi qazaqstandyq shekarashylar 2,7 keliden astam esirtki alyp ótpek bolǵan 2 qyrǵyz azamatyn ustady, dep habarlady QR UQK Shekara qyzmetiniń baspasóz qyzmetinen.
Atap aıtqanda, 31 jeltoqsan kúni QR UQK ShQ «Ońtústik» óńirlik basqarmasynyń «Qordaı» beketinde shekarashylar Qazaqstanǵa bet alǵan qyrǵyz azamatyn ustady. Onyń jeke zattaryn tekserý barysnyda jalpy salmaǵy 1,880 gramm geroın tárkilendi.
Sondaı-aq 3 qańtar kúni QR UQK ShQ «Ońtústik» óńirlik basqarmasynyń «Merki» beketinde shekarashylar «Bishkek-Máskeý» poıyzynan taǵy bir qyrǵyz azamatyn ustap, odan da jalpy salmaǵy 850 gramm esirtki zatyn aldy.
Atalǵan ister boıynsha tekserý amaldary júrgizilýde.
