Qazaqstandyq shekarashylar 18 tonna qara metaldy zańsyz ótkizýdiń jolyn kesti
ASTANA. QazAqparat - Qazaqstan-Reseı shekarasynda qazaqstandyq shekarashylar 18 tonna qara metaldy zańsyz jolmen áketip bara jatqandardy ustady, dep habarlady QR UQK ShQ baspasóz qyzmeti.
Atap aıtqanda, «Álimbet - avto» baqylaý-ótkizý beketiniń shekara jasaǵy osy jyldyń 22 maýsymy kúni tańǵy 5 saǵat 56 mınýt shamasynda 1974 jyly týylǵan Reseı Federatsııasynyń azamaty Mazaqov degendi ustady.
Shekaralyq baqylaý kezinde atalǵan azamat «MAZ» kóligine tıelgen 18 000 keli temir-tersegine qatysty eshqandaı qujat kórsete almady.
Atalǵan derek QR Qylmystyq kodeksiniń 196 babynyń 1-tarmaǵy boıynsha (qasaqana qylmystyq jolmen alynǵan múlikti satyp alý nemese satý) aqparatty tirkeý jýrnalyna rásimdelip, Aqtóbe oblysy Qarǵaly aýdandyq ishki ister bóliminiń qyzmetkerlerine berildi.
