Qazaqstandyq shekarashy Tájikstannyń «Spıtamen» ordenimen marapattaldy

NUR-SULTAN. QazAqparat - Tájikstan Elshisi qazaqstandyq batyr shekarashynyń anasyna «Spıtamen» ordenin tabys etti, dep habarlaıdy QazAqparat QR Ulttyq qaýipsizdik komıtetiniń baspasóz qyzmetine silteme jasap.

2021 jylǵy 20 qazanda Qazaqstan Respýblıkasyndaǵy Tájikstan Respýblıkasynyń Tótenshe jáne Ókiletti Elshisi Ibodzoda Haırýllo erlikpen qaza tapqan shekarashy Radjan Batyrqanovtyń anasy – Qızat Jylqybaqqyzy Batyrqanovaǵa 1-dárejeli «Spıtamen» ordenin tabys etti.

Aıta keteıik, Tájikstan Respýblıkasy Prezıdentiniń 2021 jylǵy 30 qyrkúıektegi № 252 Jarlyǵymen Respýblıka Táýelsizdiginiń 30 jyldyǵy qurmetine jáne qyzmettik boryshyn oryndaý kezinde tanytqan batyldyǵy men tabandylyǵy úshin Batyrqanov Radjan Armııauly qaıtys bolǵannan keıin 1-dárejeli «Spıtamen» ordenimen nagradtalǵan.