Qazaqstandyq shaıbaly hokkeıshiler Álem chempıonatyn sátsiz bastady
ALMATY. 7 mamyr. QazAqparat - Shaıbaly hokkeıden Fınlıandııa men Shvetsııa birlesip ótkizip jatqan Álem chempıonatynyń keshe 2-týry ótti.
Andreı Shaıanov jattyqtyratyn qazaqstandyqtar frantsýzdarǵa 3:6 esebimen ese jiberdi.
4 mamyr kúni jalaýyn kótergen bul dúbirli dodada 5 mamyrdaǵy alǵashqy týrda Shveıtsarııa quramyna 1:5 bop utylǵan bolatyn. Fınlıandııanyń «Helsınkı» qalasyndaǵy bul básekede olardyń «A» tobyndaǵy kelesi qarsylastary AQSh, Slovakııa, Belarýs, Fınlıandııa, Kanada quramalary bolmaq. Buǵan deıin alǵashqy týrda amerıkandyqtar frantsýzdardy 7:2, kanadalyqtar slovakııalyqtardy 3:2, al fınder belarýstardy 1:0 esebimen utqan edi.
Bul chempıonat 20 mamyrǵa deıin sozylmaq. Onda bıyl alǵashqy jáne irikteý kezeńderi biriktirilip, yntalandyrý kezeńi joıyldy. Buryn alǵashqy kezeńde 16 komanda 4 topqa bólinetin. Endi óz tobynda alǵashqy tórttiktiń qatarynan oryn alǵandar shırek fınalǵa ótip, sońǵy oryn alǵandar aldaǵy jyly Birinshi dıvızıonda óner kórsetetin bolady.
