Qazaqstandyq sharýalardyń Reseıden kredıt alýǵa múmkindigi bar
QOSTANAI. QazAqparat - Búgin Chelıabınskide qol qoıylǵan kelisim aıasynda Reseı mashına jabdyqtary men aýyl sharýashylyǵy tehnıkalaryn satyp alatyn qazaqstandyq kásiporyndarǵa kredıt bermek. Bul týraly QR Aýyl sharýashylyǵy birinshi vıtse-mınıstri Qaırat Aıtýǵanov aıtty, dep habarlaıdy QazAqparat tilshisi.
«Kúni keshe biz Chelıabınskide jumys saparymen boldyq, onda birqatar kelisimderge qol qoıylǵandyǵy belgildi. Sol kelisimderdiń bir «Agrarlyq nesıe korporatsııasymen» jasaldy. Munda aýyl sharýashylyǵyna qajetti mashına jabdyqtary men tehnıkalardy satyp alýǵa kredıt berý máselesi qarastyrylǵan. Atap aıtqanda, reseılik tarap Agromashholdıng pen kókshetaýlyq «Vectora» kásiporny atalǵan maqsatta kredıt beretin bolady», - dedi Aıtýǵanov óńirde ótken selektorlyq keńes barysynda.
«Jeltoqsan -qańtar aılarynda zaýyttarǵa qarajat aýdarylady. Sodan soń qazaqstandyq sharýalarǵa jabdyqtar men tehnıkalar jetkiziledi», - dedi vıtse-mınıstr .
