Qazaqstandyq sharýalardyń eksporttyq múmkindikteri keńeıtilýde
Jańa kompanııanyń qyzmetine qazaqstandyq kásiporyndardyń mal sharýashylyǵy ónimderin ótkizýde eksporttyq baǵytyn anyqtaý jáne tasymaldaý, sonymen qatar biryńǵaı brend ataýymen etti eksporttaýdaǵy marketıngtik saıasatty qalyptastyrý sharalary kiredi.
Búgingi kúni, «QazAgro» holdıngi tarapynan qarjylandyrylǵan otandyq kásiporyndar óz ónimderin reseılik naryqqa tabysty jetkizýde. Sonyń eń irileri - Ońtústik Qazaqstan oblysyndaǵy «Ordabasy qus» JShS kúrketaýyq et ónimderin shyǵaratyn keshen búgingi tańda Reseıge 2 myń tonna qus eti ónimderin jetkizedi, sonymen qatar, Máskeý men Saratov oblysyna tońazytylǵan etti jetkizý shartyn jasaǵan Batys Qazaqstan oblysyndaǵy «Crown Batys» JShS bordaqylaý alańy.
Et ónimderin arttyrý jáne eksporttaý jobasyna jańa serpin berý maqsatynda «QazAgro» Ulttyq Holdıngi mal sharýashylyǵy klasterin qurǵan bolatyn. Atalǵan klaster qazaqstandyq aýyl sharýashylyǵy taýar óndirýshileri men qaıta óńdeý kásiporyndarynyń sapaly mal sharýashylyǵy ónimderin ulǵaıtýmen birge, ishki naryqty toltyrý, eksport salasyn uıymdastyrý baǵytyndaǵy kúshterin biriktirý jumystaryn atqaratyn bolady. Bul týraly «KazAgro» UBH baspasóz qyzmetinen habarlady
