Qazaqstandyq Shanhaıdaǵy 6 myń stýdenttiń arasynan úzdik dep tanyldy

BEIJІŃ-ShANHAI. QazAqparat - Shyǵys Qytaı pedagogıkalyq ýnıversıtetiniń «Halyqaralyq saıası teorııa» mamandyǵynyń 2-kýrs magıstranty Azıza Qoǵamova «2016 jyldyń úzdik stýdenti» ataǵyn «akademııalyq qyzmet» nomınatsııasy boıynsha jeńip aldy, dep habarlaıdy «QazAqparat» HAA-nyń Qytaıdaǵy menshikti tilshisi.

14 jeltoqsanda ótken úsh kezeńnen turatyn konkýrsqa 300-den astam shetel stýdentteri, basym bóligi ECNU qoǵamdyq ómiri men akademııalyq úlgerimi jaqsy bilim alýshylar qatysty. Olar bilim oshaǵyndaǵy 6 myń shetel stýdentteriniń arasynan iriktelinip alyndy.

«Men ata-anam men elimniń artqan úmitin aqtaýǵa tyrystym. Táýelsiz Qazaqstannyń jastary atynan qatysyp, elimizdiń oń ımıdjin qalyptastyrýǵa atsalysqanym úshin óte qýanyshtymyn. Men óz jeńisimdi Qazaqstan Respýblıkasy Táýelsizdiginiń 25 jyldyǵyna arnaımyn!» - dedi A. Qoǵamova QazAqparat tilshisine saltanatty marapattaýdan keıin.

 

Shyǵys Qytaı pedagogıkalyq ýnıversıteti 1951 jyly Shanhaıdaǵy eki eski - Uly Qytaı ýnıversıteti (Dasıa, 1924 j.) men Gýan Hýa ýnıversıtetiniń (1925 j.) birigýi arqasynda quryldy. ECNU ǵalymdardy, dárigerlerdi, memlekettik qyzmetkerlerdi, sondaı-aq bıznesmenderdi daıyndap, gýmanıtarlyq jáne áleýmettik salalardaǵy ulttyq zertteýlerdi jasaıtyn QHR-daǵy alǵashqy pedagogıkalyq ýnıversıtetterdiń biri.