Qazaqstandyq shańǵyshylar álem chempıonatynda sprınt boıynsha irikteýden asa almady
NUR-SULTAN. QazAqparat - Germanııanyń Oberstdorf aımaǵynda shańǵy sporty túrlerinen álem chempıonaty ótip jatyr. Dúnıejúzilik birinshilik aıasynda búgin shańǵyshylar jarys jolyna shyqty, dep habarlaıdy Olympic.kz.
Búgin, 25 aqpan kúni áıelder men erler arasynda sprınt boıynsha básekeler ótti. Nátıjesinde, Qazaqstan quramasynan eshkim irikteý kezeńinen asa almady.
Qurama múshesi Konstantın Bortsov 54-shi, Oljas Klımın 60-shy, al Vıtalıı Pýhkalo 61-shi bolyp máre syzyǵyn kesti.
Norvegııalyq Iohannes Klebo irikteý kezeńi boıynsha kósh bastap tur. Al áıelder arasynda Anna Shevchenko 52-shi, Darıa Rıajko 53-shi, Angelına Shýryga -61-shi, al Aısha Rakısheva 65-shi nátıjeni kórsetti.
Áıelder arasynda shved qyzy Iohanna Hagstrem irikteý kezeńi boıynsha alda tur.
