Qazaqstandyq shańǵyshy Olımpıadany 43-orynmen aıaqtady
Atalǵan dodada Qazaqstan namysyn Evgenıı Velıchko qorǵaǵan bolatyn. Jarysqa 43-shi nomermmen shyqqan otandasymyz máre syzyǵyn da 43-shi bolyp kesip ótti.
Shańǵy marafonynda bas júldeni reseılik Aleksandr Bolshýnov (1:11:32.7) jeńip aldy. Kúmis medalǵa taǵy bir reseılik atlet Ivan ıAkımýshkın (+5.5) ıe bolsa, úzdik úshtikti Norvegııa ókili Sımen Hegstad Krıýger (+7.0) qanjyǵasyna baılady.
Esterińizge sala keteıik, osyǵan deıin aýa raıynyń qolaısyzdyǵyna baılanysty erler arasyndaǵy shańǵy marafonynyń jarys joly qysqarǵanyn habarlaǵan bolatynbyz.
Aıta keteıik, atalǵan Aq Olımpıadada oıyndarynda elimizdiń namysyn 8 sport túrinen 34 sportshy qorǵap jatyr.
Olar - qysqy sport oıyndarynyń ishinde sporttyń shańǵy jarysy, frıstaıl-mogýl, shańǵy akrobatıkasy, taý shańǵysy, shańǵymen sekirý, bıatlon jáne short-trek túrlerinen synǵa túsýde.
