Qazaqstandyq shańǵyshy Mark Starostın - Álem chempıonatynyń qola júldegeri
ASTANA. 27 qańtar. QazAqparat - Shańǵydan Chehııanyń Lıberets qalasynda ótip jatqan jastar men jasóspirimder arasyndaǵy álem chempıonatynda qazaqstandyq Mark Starostın 30 shaqyrymdyq skıatlon básekesinde qola júldege ıe boldy.
Skıatlon - 15 shaqyrymǵa klassıkalyq, al qalǵan 15 shaqyrymdy erkin ádispen júgirý baǵdarlamasy. Bul synnyń altyny men kúmisi reseılikter Sergeı Ýstıýgov pen Evgenıı Belovqa buıyrdy. Osy qashyqtyqta synǵa túsken Dáýlet Raqymbaev 42 orynnan kórindi.
23 jasqa deıingi jastar. Skıatlon. 30 shaqyrym. 1. Sergeı Ýstıýgov - 1:11.37,1. 2. Evgenıı Belov (ekeýi de - Reseı) - 2,5. 3. Mark Starostın (Qazaqstan) - + 32,4.
Esterińizge sala keteıik, osyǵan deıin Chehııadaǵy jarysta Anastasııa Slonova kúmis júldege ıe bolǵan edi,- dep habarlaıdy "Alaman" sport agenttigi.
