Qazaqstandyq shańǵyshy qyzdar Slovakııadaǵy ýnıversıadada kúmis júldeger atandy

Qazaqstannyń jáne Reseıdiń sport telearnalary kórsetkenindeı, ár qurama úzdik úsh shańǵyshyny jarysqa qosty. Olardyń árqaısysy bes shaqyrymnan júgirip ótti.

Quramynda Anna Stoıan, Vıktorııa Lanchakova jáne Anastasııa Slonova bar qazaqstandyqtar márege reseılikterden keıin ekinshi bolyp jetti. Qola júldeni Frantsııa quramasy ıelendi.

Osy saıystan keıin qorjynynda eki altyn, qos kúmisi bar Qazaqstan quramasy jalpykomandalyq esepte qaıtadan ekinshi orynǵa kóterildi.

Aıta keteıik, bul - Anastasııa Slonovanyń osymen úshinshi medali. Ol buǵan deıin bir altyn, bir kúmis júldeni jeńip alǵan bolatyn.