Qazaqstandyq shańǵyshy Fınlıandııadaǵy jarysta ekinshi oryn aldy

ASTANA. QazAqparat - Fınlıandııanyń Saarıselkıa qalasynda ótip jatqan lıtsenzııalyq shańǵy jarysynda Anna Shevchenko ekinshi oryn aldy, dep habarlaıdy MSM Sport jáne dene shynyqtyrý isteri komıtetiniń baspasóz qyzmeti.  

Ol 10 shaqyrymdy 28:24.0 ýaqytymen eńserdi. Birinshi oryn frantsııalyq Karolına Tomas Hagtyń enshisinde, ol máreni 27:35.0 ýaqytymen kesti , úshinshi orynda da frantsııalyq sportshy Avrora Jan, onyń ýaqyty 28:27.0.  

Bul sportshynyń atalǵan jarystaǵy ekinshi joǵary kórsetkishi, eki kún buryn Anna Shevchenko 5 shaqyrymdyq qashyqtyqta úshinshi oryn alǵan bolatyn. Erler arasynda joǵary nátıjeni Denıs Volotka kórsetti, 15 shaqyrymdyq qashyqtyqta ol  7 orynǵa taban tiredi.

Esterińizge salaıyq, 14-20 qarasha aralyǵynda Fınlıandııanyń Saarıselkıa qalasyndashańǵy jarysy boıynshalıtsenzııalyq kezeńder ótti. Olımpıada oıyndarynyń lıtsenzııalaryna ıe bolǵan sportshylar tizimi kelesi jyldyń 20 qańtarynda belgili bolady.  Oǵan deıin sportshylar Álem kýbogy kezeńderi men lıtsenzııalyq jarystarǵa qatysady.