Qazaqstandyq shańǵymen baǵdarlaýshylar jarystyń alǵashqy kúni qurama qorjynyna 1 altyn, 2 kúmis, 1 qola medal saldy
ALMATY. 31 qańtar. QazAqparat /Erlik Erjanuly/ - Búgin Almatydaǵy "Shymbulaq" taý shańǵysy bazasynda 7-qysy Azııa oıyndary aıasynda taý shańǵysymen jyldam quldılaýdan erler men áıelder arasyndaǵy báseke aıaqtaldy. Onda erler arasynda qazaqstandyq Dmıtrıı Koshkın Azııa chempıony,
al Igor Zakýrdaev kúmis júldeger atandy. Áıelder arasynda jerlesterimiz Lıýdmıla Fedotova kúmis, Ksenııa Stroılova qola júldeger atandy. Bul saıysta sondaı-aq, Koreıa quramasynan áıelder arasynda Kım Sýn Jo (KIM Sun Joo) altyn, erler arasynda Donhýn Jýng ( Donghyun Jung) qola júldeger atandy.
Endi erteń sýper gıganttan erler men áıelder arasynda taǵy 2 medaldar toptamasy sarapqa salynady. Odan keıin sýper kombınatsııadan 3 aqpanda erler, al 4 aqpanda áıelder arasynda taǵy 2 medaldar toptamasy óz ıesin tabatyn bolady. Jalpy bul dúbirli dodada Qazaqstan, Koreıa, Iran, Ózbekstan, Qyrǵyzstan, Taıpeı, Mońǵolııa men Lıvannyń taý shańǵyshylary qatysýda.
