Qazaqstandyq shahmatshylar Azııa ulttar kýbogynda qos altyn medal aldy
ASTANA. QazAqparat - Shahmattan Qazaqstannyń erler jáne áıelder qurama komandalary Azııa Ulttar kýbogynan 12 medalmen oraldy. Rınat Jumabaev pen Gúlishan Nahbaeva qurama qorjynyna 2 altyn medal saldy, dep habarlaıdy QazAqparat Qazaqstan Shahmat federatsııasyna silteme jasap.
Irannyń Hamadan qalasynda rapıd, blıts jáne klassıkalyq shahmattan ótken dodada jerlesterimiz 2 altyn, 2 kúmis jáne 8 qola medal enshiledi.
Rapıd týrnıriniń birinshi taqtasynda halyqaralyq grossmeıster Rınat Jumabaev (Elo reıtıngi - 2608) altyn medaldy jeńip aldy.
Klassıkalyq shahmat boıynsha synǵa túsken qazaqstandyqtar - Petr Kostenko (2451) kúmis, Murtas Qajǵaleev (2575) qola medaldy qorjynǵa saldy.
Týrnır debıýtanty, 18 jastaǵy FIDE sheberi Denıs Mahnev (2438) te kózge tústi. Klassıkalyq shahmat jáne blıts boıynsha jarystarǵa qatysqan jas sportshy eki qola medaldy jeńip aldy.
Áıelder arasynda klassıkalyq shahmat boıynsha synǵa túsken halyqaralyq áıelder grossmeısteri Gúlishan Nahbaeva (2352) aldyna jan salmaı, altyn medaldy jeńip aldy. Halyqaralyq sheber Jansaıa Ábdimálik (2481) qola medalmen shekteldi. Blıts týrnırinde áıelder arasynda halyqaralyq sheber Gúlmıra Dáýletova (2273) kúmis medal aldy. Blıts týrnırinde G. Nahbaeva men Ásel Serikbaı (2128) qola medalǵa qol jetkizdi. Erler arasynda halyqaralyq sheber Dınara Sádýaqasova da rapıd jáne blıts boıynsha eki qola medaldy enshiledi.
Qurlyqtyq shahmat dodasyna 11 eldiń qurama komandalary qatysty. Qazaqstannyń erler quramasy 4-shi, áıelder quramasy 5-orynmen elge oraldy.
