Qazaqstandyq shahmatshylar AQSh komandasyna qarsy onlaın-match ótkizedi
NUR-SULTAN. QazAqparat – 15 tamyz kúni Qazaqstan komandasynyń AQSh komandasyna qarsy halyqaralyq onlaın-matchy bolyp ótedi, bul shara «Nations League 2020» (Ulttar lıgasy 2020) onlaın-jarysynyń aıasynda ótkiziledi, dep habarlaıdy QazAqparat Qazaqstan shahmat federatsııasynyń resmı saıtyna silteme jasap.
Qazaqstannyń shahmat federatsııasy eldiń barlyq shahmatshylaryn – áýesqoılar men kásibı oıynshylardy «Kazakhstan Chess» klýbynyń quramynda oıyn oınap, respýblıka namysynnn qorǵaýǵa shaqyrady.
AQSh komandasyna qarsy match 15 tamyzda ótedi. Oıynnyń bastalýy: 1) Blıts - Nur-Sultan qalasynyń ýaqyty boıynsha saǵat 22:00-de. Ýaqytty baqylaý: 3 mın + 2 sek.
Qatysýǵa nıet bildirgender onlaın match uıymdastyrylatyn resýrsta «Jarystar» batyrmasyn basyp, «USA — Kazakhstan» týrnırin ózdiginen tańdaı alady.
2) Rapıd – Nur-Sultan ýaqytymen saǵat 22:42-de. Ýaqytty baqylaý: 15 mın. + 2 sek.
Qatysýshylar silteme boıynsha «USA — Kazakhstan» jarysyn ózdiginen tańdaı alady.
Nations League 2020 jarysyna qatysý úshin Chess.com platformasynda «Kazakhstan Chess» klýbyna kirý týraly ótinim berý kerek. Árbir matchqa bólek qosylý qajet. Oıynǵa qosylý saǵat buryn bastalady.
