Qazaqstandyq shahmatshy Jansaıa Ábdimálik álem chempıonatynyń qola júldegeri atandy
ASTANA. QazAqparat - Hanty-Mansıısk qalasynda shahmattan 20 jasqa deıingi jastar arasyndaǵy álem chempıonatynda qyzdar arasynda Jansaıa Ábdimálik úshinshi oryn ıelendi.
Bul jarysta 10 upaı jınaǵan Ýkraına shahmatshysy Natalıa Býksa jeńimpaz atandy. Ekinshi orynda - 13 upaıdyń 9,5 upaıyn jınaǵan reseılik Alına Bıvol. Úshinshi oryndy 9,5 upaımen Jansaıa Ábdimálik jeńip aldy, dep jazady Sports.kz.
Chempıon ataǵynan basqa, shahmatshylar sondaı-aq uıymdastyrý komıtetiniń júlde qoryn talasqa saldy. Ony alǵan oryndaryna baılanysty álem chempıonatynyń er adamdar men áıelder arasyndaǵy jarystardyń júldegerleri bólip alady.
