Qazaqstandyq shahmatshy qyzdar - álem úzdikteriniń qatarynda
ASTANA. QazAqparat - Qazaqstannyń shahmatshy qyzdary 23 qyrkúıekte Batýmıde ótetin Shahmat olımpıadasyna daıyndyq júrgizýde. Elimizdiń quramasy úzdik medaldardy ıelenýge oqtalyp otyr, dep habarlaıdy QazAqparat express-k.kz saıtyna silteme jasap.
Qazaqstan áıelder arasyndaǵy reıtıng-tizimde 150 eldiń ishinen 9-orynǵa taban tiredi. Tek Reseı, Grýzııa, Úndistan, Qytaı jáne Ýkraına elderi bizden sál ǵana joǵary ornalasqan. Elimizdiń shahmatshylary nemis, frantsýz jáne polıak sportshylarymen teń dárejede kele jatyr.
Áıelder quramasynda Jansaıa Ábdimálik, Dınara Sadýaqasova, Gýlishan Nahbaeva jáne Gúlmıra Dáýletova syndy shahmatshylar bar. Eldiń bes dúrkin chempıony, shymkenttik shahmatshy Gúlmıra Nahbaeva turmys quryp, balaly bolǵannan keıin sporttan ýaqytsha shettetilgen edi. Alaıda jaqynda ǵana FIDE reıtınginde 2400 upaı jınap, erler arasynda halyqaralyq sheber ataǵyn jeńip aldy.
Aıta ketý kerek, erler arasyndaǵy Qazaqstan quramasynyń aldaǵy Olımpıadada jeńiske jetýi ekitalaı. Sportshylar reıtıng-tizimde 183 eldiń ishinen 34-shi orynda tur.
