Qazaqstandyq shahmatshy qyzdar álem chempıonatynda júldeger boldy

ASTANA. QazAqparat - Qazaqstandyq jas shahmatshylar Ásel Serikbaı men Merýert Kamalıdenova álem chempıonatynan oljaly oraldy, dep habarlaıdy QazAqparat.

Bul jaıynda Astana ortalyq shahmat klýbynyń baspasóz qyzmeti málim etti.

Ásel Serikbaı 20 jasqa deıingi qyzdar arasyndaǵy World Junior Chess Championship 2022 Girls týrnırinde kúmis júldege ıe bolǵan.

Al Merýert Kamalıdenova osy jarystyń qorytyndysy boıynsha 11 upaıdyń segizin jınap, úshinshi orynǵa taban tiredi.

Sondaı-aq qazaqstandyq Lııa Qurmanǵalıeva básekeni 6-orynmen aıaqtady.

Eske sala keteıik, Ásel Serikbaı - shahmattan úsh dúrkin álem chempıony, jeti márte Azııa chempıony bolǵan, áıelder arasynda halyqaralyq sport sheberi, QR ulttyq áıelder qurama komandasynyń múshesi.

Merýert Kamalıdenova da - taıaýda Prezıdent qabyldaýynda bolǵan qazaqstandyq shahmatshy qyzdar quramasynyń múshesi.

Merýert Qazaqstan qyzdar quramasy sapynda dúnıejúzilik shahmat olımpıadasyna qatysty .

Jyl basynda astanalyq 10-synyp oqýshysy álemdegi úzdik 50 shahmatshynyń tizimine engen bolatyn.

Merýert Kamalıdenova Italııanyń Kattolıka qalasynda ótken Grandiscacchi International Chess Festival 2022 chempıonatynda álemniń TOP-50 úzdik shahmatshysynyń tizimine endi.