Qazaqstandyq «Shaǵala» ushqyshsyz ushý apparaty polıgonda synaqtan ótýde
Bul apparaty QR Tuńǵysh Prezıdenti – Elbasy atyndaǵy Ulttyq qorǵanys ýnıversıtetiniń áskerı ǵalymdary jasaǵan.
Qazirgi zamanǵy áskerı qaqtyǵystarda ushqyshsyz ushý apparattaryn qoldaný, osyndaı qurylǵylar jasaý qajettigin dáleldedi, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.
Ulttyq qorǵanys ýnıversıtetinde qarsylastyń brondy tehnıkasy men kúshine qarsy tıimdi qarý retinde tek barlaý drondaryn ǵana emes, sonymen qatar soqqy berýshi ushqyshsyz ushý apparatyn qoldanýǵa da taldaý jasaldy.
«Shaǵala» barlaýshy ushqyshsyz ushý apparatynyń tájirıbedegi nusqasy baǵdarlamalyq-apparattyq baılanys arnasymen, baılanys arnasy qorǵalǵan jeke krıptografııalyq hattamamen jabdyqtalǵan.
«Ushqyshsyz ushý apparaty aýqymynda áskerlerdi otandyq týyndylarmen qamtamasyz etýge degen umtylys qýantady. Degenmen, qazaqstandyq quoylǵynyń ózge memleketterdiń apparattarynan aıyrmashylyǵy bolýy kerek. Basqasha aıtqanda bizdiń apparatymyz taktıkalyq-tehnıkalyq sıpattamalary jaǵynan qazaqstandyq armııanyń barlyq qajettilikterin, elimizdiń geografııalyq erekshelikterig eskere otyryp daıyndalýy kerek», - dep atap ótti QR Qorǵanys mınıstriniń orynbasary general-leıtenant Tımýr Dándibaev.
Zertteýge arnalǵan úlgini polıgonda synaqtan ótkizý kezinde áskerı ǵalymdar tómen temperatýraǵa tózimdi qýat kóziniń jańa ónimin synaqtan ótkizdi. Erekshe akkýmýlıator batareıalaryn Ulttyq qorǵanys ýnıversıtetiniń mamandary oılap tapty.
«Shaǵala» ushqyshsyz ushý apparatyn shyǵarý úshin otandyq qorǵanys-ónerkásip kesheniniń múmkindikterin eskere otyryp, qyzmet kórsetý, tehnıkter men operatorlardy oqytý baǵdarlamalary, sondaı-aq Qarýly Kúshterdiń oqý oryndary men bólimderinde ony engizý úshin ushqyshsyz ushý apparaty operatorlarynyń jaýyngerlik daıarlyq kýrsy ázirlendi.
Áskerı ǵylymı-zertteý ortalyǵynyń bastyǵy polkovnık Qýandyq Aqsholaqovtyń aıtýynsha, «Shaǵala» ushqyshsyz ushý apparaty osyǵan uqsas sheteldik apparattardyń tehnıkalyq sıpattamalarynan kem túspeıdi, kerisinshe ózindik artyqshylyqtarǵa ıe.
«Ushqyshsyz ushý apparatynyń ushý qashyqtyǵy 30 shaqyrymǵa deıingi aralyqty quraıdy. Aýada ol eki jarym saǵatqa deıin bolady, jeldiń ekpini sekýndyna 14 metrge deıin kúsheıgen kezde, aýada ózin turaqty ustaıdy. Bolashaqta biz ony vzvodtan batalonǵa deıingi býyndaǵy áskerlerdiń qarý-jaraq qataryna qosýdy josparlap otyrmyz», - dedi áskerı ǵylymı-zertteý ortalyǵynyń bastyǵy polkovnık Qýandyq Aqsholaqov.
Synaq retindegi ushýlar baǵdarlamasynda «Shaǵala» ushqyshsyz ushý apparatyn daıyndaýdyń ártúrli kezeńderi men jumys rejımderi usynyldy.
Ǵylymı jumystyń nátıjeleri patenttelgen jáne de tájirıbe aıaqtalǵannan keıin barlyq atqarylǵan jumystar Qazaqstannyń qorǵanys-ónerkásibi keshenine beriletin bolady.
