Qazaqstandyq Sergeı Morozovtyń UFC alańyndaǵy jekpe-jegin qaıdan kórýge bolady
NUR-SULTAN. QazAqparat - Qazaqstandyq faıter Sergeı Morozovtyń (16-5) UFC alańyndaǵy kelesi jekpe-jegi erteń, 18 shildege josparlanǵan, dep habarlaıdy QazAqparat.
Ol Amerıkanyń Las Vegas qalasynda ótetin UFC on ESPN 26 týrnırinde oktagonǵa shyǵady.
Sergeı Morozovtyń qarsylasy - nemis faıteri Halıd Taha (13-3-1).
Jekpe-jektiń tikeleı translıatsııasyn UFC Fight Pass servısinen tamashalaýǵa bolady.
Aıqas astana ýaqytymen shamamen tańǵy saǵat 06.30 kezinde bastalady.
Bul - Sergeı Morozovtyń UFC alańyndaǵy ekinshi kezdesýi.
Buǵan deıin ol bıylǵy qańtar aıynda ataqty Habıb Nýrmagomedovtiń inisi reseılik Omar Nýrmagomedovpen (13-0) jekpe-jekke shyǵyp, jeńilip qalǵan bolatyn.
Nýrmagomedov Morozovty ekinshi raýndta qylǵyndyrý ádisimen jeńdi. Negizi bul báseke úsh raýndqa josparlanǵan.
Al Sergeıdiń erteńgi qarsylasy Halıd Taha óziniń sońǵy aıqasyn ótken jyldyń qarasha aıynda ótkizgen. Ol ádilqazy sheshimimen brazılııalyq Raonı Barselostan (16-2) utylǵan edi.
