Qazaqstandyq Sergeı Morozov UFC týrnırinde alǵash ret jeńiske jetti
NUR-SULTAN. QazAqparat - Qazaqstandyq faıter Sergeı Morozov (16-5) UFC alańyndaǵy ekinshi jekpe-jeginde jeńiske jetti, dep habarlaıdy QazAqparat Sports.kz resýrsyna silteme jasap.
Ol búgin tańerteń Amerıkanyń Las Vegas qalasynda ótken aralas jekpe-jekten UFC on ESPN 26 týrnırinde nemis sportshysy Halıd Tahamen (13-3-1) kezdesý ótkizdi.
Asa jeńil salmaqtaǵy aıqas úsh raýndqa eseptelgen bolatyn. Ol Morozovtyń jeńisimen aıaqtaldy.
Ádilqazy 30-27, 30-27, 30-27 esebimen qazaqstandyq faıterdi biraýyzdan jeńimpaz dep tapty.
Osylaısha Sergeı Morozov óziniń kásibı sport jolyndaǵy on jetinshi jeńisine qol jetkizip, UFC alańynda alǵash ret qarsylasynan basym tústi.
Buǵan deıin ol bıylǵy qańtar aıynda UFC týrnırinde ataqty Habıb Nýrmagomedovtiń inisi reseılik Omar Nýrmagomedovpen (13-0) jekpe-jekke shyǵyp, jeńilip qalǵan bolatyn.
Nýrmagomedov Morozovty ekinshi raýndta qylǵyndyrý ádisimen jeńdi.
Al Sergeıdiń qarsylasy Halıd Taha osymen tórtinshi márte utylyp otyr.
