Qazaqstandyq senatorlar Túrkııa parlamentiniń spıkerimen kezdesti
ASTANA. QazAqparat - QR Parlamenti Senaty Halyqaralyq qatynastar, qorǵanys jáne qaýpsizdik komıtetiniń hatshysy Darhan Káletaev jáne Ekonomıkalyq saıasat, ınnovatsııalyq damý jáne kásipkerilik komıtetiniń múshesi Manap Kóbenov Ystanbuldaǵy Azııa parlamenttik assambleıasynyń 10-shy otyrysyna qatysýda.
Bul týraly Joǵarǵy palatanyń baspasóz qyzmeti habarlaıdy.
Kezdesý «Azııadaǵy beıbitshilik pen damý» taqyrybymen ótip jatyr. Depýtattar Túrkııanyń Uly ulttyq májilisiniń qaıta taǵaıyndalǵan tóraǵasy, saılaýǵa Ádilet jáne damý bıleýshi partııasynan túsken Ismaıl Kahramanmen kezdesti.
Senator D.Káletaev Túrkııa Uly ulttyq májilisi tóraǵasy joǵary laýazymyna I. Kahramannyń taǵaıyndalýyna baılanysty Qazaqstan Respýblıkasy Parlamenti Senatynyń Tóraǵasy Qasym-Jomart Toqaevtyń quttyqtaýyn jetkizdi.
Áńgime barysynda taraptar eki el arasyndaǵy parlamentaralyq yntymaqtastyqty damytýdyń keleshegin talqylady.
