Qazaqstandyq semsershi qyz Azııa chempıony atandy
ASTANA. QazAqparat - Fılıppıniń Manıla qalasynda semserlesýden 23 jasqa deıingi sportshylar arasynda ótken Azııa chempıonatynda qazaq qyzy Áıgerim Sarybaı chempıon atandy, dep habarlaıdy QazAqparat.
QR Ulttyq olımpıadalyq komıtetiniń baspasóz qyzmeti málim etkendeı sablıadan áıelder arasyndaǵy synda Qazaqstan ulttyq quramasynyń múshesi Áıgerim Sarybaı eshkimge des bermeı bas júldeni qanjyǵasyna baılady. Taǵy bir sportshymyz Aıbıke Habıbýllına kúmis medal ıelendi.
Aıta keteıik, eki sportshy da iri halyqaralyq týrnırlerde Qazaqstan namysyn abyroımen qorǵap júr. Áıgerim Sarybaı men Aıbıke Habıbýllına komandalyq synda Azııa oıyndarynyń qola júldegeri atanǵan bolatyn.
