Qazaqstandyq semsershi Azııa chempıony atandy
ASTANA. QazAqparat - Gonkong qalasynda ótken semserlesýden Azııa chempıonatynyń fınaldyq saıysynda óskemendik Rýslan Kurbanov jeńis tuǵyryna kóterildi, dep habarlaıdy ShQO Dene shynyqtyrý jáne sport basqarmasynyń baspasóz qyzmeti.
1/4 fınalda jerlesimiz Taıpeıden kelgen sportshy Chuang Po Yu-di 15:4 esebimen ońaılyqpen tize búktirdi. 1/2 fınalda shaıqas alańyna shyqqan Rýslan bastapqyda álsin oıyn kórsetkenimen, keıin baryn salyp Ońtústik Koreıa sportshysy Kweon Yong Jinsun-nan 15:13 esebimen jeńiske jetti. Al fınaldyq jarysta Ońtústik Koreıanyń taǵy bir semsershi Youngjun-di 15:10 eseptik kórsetkishpen súrindirip, jeńis tuǵyryna kóterildi.
Úsh birdeı myqty qarsylasty qapy qaldyrǵan Rýslan Azııa chempıonatynda altyn medalǵa qol jetkizdi.
«Bul elimiz úshin úlken mártebe» - dep atap ótti ShQO semserlesý sportynyń bas bapkeri Sergeı Vladımırovıch.
