Qazaqstandyq semserlesýshiler Harkovtaǵy halyqaralyq týrnırde sátti óner kórsetti
ALMATY. Jeltoqsannyń 20-sy. QazAqparat /Erlik Erjanuly/ - Qazaqstandyq semserlesýshiler Ýkraınanyń Harkov qalasynda ótken halyqaralyq týrnırde úzdik segizdiktiń qataryna endi,
dep habarlaıdy QazAqparat Shtattyq ulttyq komandalar jáne sport rezervi dırektsııasyna silteme jasap.
Bıyl 12-shi ret uıymdastyrylǵan bul baıraqty básekege 20 elden 164 sportshy qatysqan bolatyn. Onda qazaqstandyqtardan Dmıtrıı Grıaznov 6-shy, Elmır Álimjanov 7-shi oryn aldy. Elmır buǵan deıin Túrkııanyń Antalıa qalasynda ótken Álem chempıonatynda 13-shi orynǵa kóterilgen edi. Bul atalmysh túri boıynsha Qazaqstan tarıhyndaǵy eń joǵarǵy kórsetkish sanalady. Mamandardyń aıtýynsha, eresekter quramasyna jańa ǵana ótken jas sportshy úshin bul kórsetkishter úlken jetistik. Endi 2010 jyldyń qańtar aıynda Katar,Kýáıt, Italııa elderinde shpagashylar arasynda Gran-prı serııasyndaǵy halyqaralyq týrnırler ótpek.
Jalpy qazaqstandyq jasóspirimder bıyl Sıngapýrde ótken Azııa chempıonatynda komandalyq esepte top jarǵan bolatyn. Onda K. Jaqypov chempıon, al I. Derıabın kúmis júldeger atanǵan edi.
