Qazaqstandyq segiz jastaǵy boksshy mınýtyna 100 soqqy jasaıdy
ASTANA. QazAqparat - Pavlodardyq jas boksshy Evnıka Sádýaqasova kórermenderin óziniń erekshe darynymen tań qaldyrýda, dep jazady «Ekspress K».
Osy joly ol bórenege belsendi soqqylar jasady.
Eske salsaq, Evnıka esimi eki jyl buryn ákesi Rýslan Sádýaqasov 3,6 mln. kórermen jınaǵan Qazaqstandaǵy eń shapshań qımyldy qyz týraly vıdeony Youtube-qa salǵan kezde belgili bolǵan. Jańa rolıkten sál eseıgen Evnıkanyń tehnıkasy odan da jaqsaryp, soqqylary jıileı túskenin baıqaýǵa bolady.
Rýslan Sádýaqasov startap quryp, kúlli álem boıynsha bulshyq et reaktsııasyn damytýǵa arnalǵan trenajer satady. Ol qyzy osy tranjer kómegimen osyndaı múmkindikterge qol jetkizgenine senimdi. Qazir ol mınýtyna 10 soqqy daryta alady.
Atap ótsek, Evnıka sparrıng-jekpe-jekterge ázirge qatyspaıdy. Ákesi jas boksshylardy bastapqy daıyndaý kezinde jekpe-jek ótkizý qajet emes dep sanaıdy.
