Qazaqstandyq "SCAT» áýe kompanııasynyń reısterine qyzmet kórsetý «Pýlkovo-2» termınalyna aýystyrylýda - Sankt-Peterbor
SANKT-PETERBOR. Tamyzdyń 10-y. QazAqparat /Elena Mıagkova/ - Sankt-Peterborda qazaqstandyq "SCAT» áýe kompanııasynyń reısterine qyzmet kórsetý «Pýlkovo-1» termınalynan «Pýlkovo- 2» termınalyna aýystyrylýda. QazAqparat tilshisine bul týraly «Pýlkovo» áýejaıynyń baspasóz qyzmetinen habarlady.
Tamyzdyń 9-ynan bastap "SCAT» áýekompanııasynyń Almaty jáne Aqtaý baǵytyndaǵy reısterine «Pýlkovo-2» termınalynda qyzmet kórsetiletin bolady. Reısterdiń ushý jáne qoný ýaqyttary ózgermeıdi.
Atalǵan reısterdi «Pýlkovo-2» termınalyna aýystyrýdaǵy maqsat - jolaýshylarǵa servıs pen jaılylyqtyń ońtaıly sapasyn kórsetý, deıdi áýejaı qyzmetkerleri.
Esterińizge sala keteıik, "Pýlkovo" áýejaıy - jolaýshylar aǵyny boıynsha Reseıdegi tórtinshi áýejaı. «Pýlkovo» áýejaıynyń qyzmetin turaqty negizde 31 sheteldik, 29 reseılik jáne 11 TMD elderiniń áýekompanııalary paıdalanady.
