Qazaqstandyq saıttarda beıtanys tilderde ekstremıstik aýdıokontent salyný problemasy bar
ASTANA. QazAqparat - Qazaqstandyq saıttarda keıbir kezderde bizge beıtanys tilderde ekstremıstik aýdıokontent salynady. Bul jaıynda Astanadaǵy Ortalyq jáne Ońtústik Azııa elderindegi zorlyq ekstremızmge qarsy is-qımyl jónindegi óńirlik konferentsııada QR Investıtsııalar jáne damý mınıstrligi Baılanys, aqparattandyrý jáne aqparat komıteti Taldaý jáne aqparat ortalyǵy dırektorynyń birinshi orynbasary Erlan Álıev málim etti.
«Ekstremıstik kontentti monıtorıngileý bóligindegi jumys barysynda qazaqstandyq saıttarda keıbir kezderde bizge beıtanys tilderde aýdıokontenttiń salyný problemasy týyndaıdy. Meniń oıymsha, osyndaı kontent tek qazaq tilinde Nıgerııada nemese Kenııada salynýy múmkin. Osy oraıda olardyń ókiletti organdary bul ekstremıstik materıal ekenin birden túsinbeýi yqtımal. Bul turǵyda álemdik qoǵamdastyq ekstremıstik kontenttiń biryńǵaı bazasyn qurǵany oryndy bolar degen usynys bar. Keıinnen ol barsha elderde osyndaı kontentterge tosqaýyl qoıylyp, jabylar edi»,-dedi E. Álıev.
Onyń sózine qaraǵanda, quqyqqa qaıshy aqparatty shekteýge baılanysty, onyń ishinde ekstremıstik mazmundaǵy aqparatqa jol bermeý jumystarynda quqyqtyq sharalarmen jáne tehnıkalyq jolmen shekteý sekildi eki baǵyt bar.
