Qazaqstandyq saıası partııa jalpyulttyq saýalnama júrgizýde
«Amanat» sózi qazaq halqy úshin kıeli bolyp esepteledi. Amanatty qabyldaǵan adam ýáde berdi degen sóz. Bul jobanyń maqsaty - búgingi tańda azamattarymyzdy, jalpy qoǵamdy tolǵandyratyn mańyzdy máselelerdi anyqtaý. ıAǵnı jalpyhalyqtyq saýalnama arqyly ár azamatty tolǵandyratyn saıası-áleýmettik, ekonomıkalyq jáne basqa da problemalardy aıqyndaý. Árıne ár sala boıynsha sheshilýi tıis túıitkildi máseleler jetkilikti. Biz solardyń arasynan eń mańyzdy degen 15 máseleni saýalnamaǵa engizdik«, - dedi T. Raqymbekov.
Onyń aıtýynsha, jalpyulttyq saýalnamada densaýlyq, bilim berý, jer, halyqtyń áleýetin kóterý jáne taǵy da basqa salalar qamtylǵan.
«Saýalnamaǵa barlyq qazaqstandyqtar qatysa alady. Egerde turǵyndardyń aıtqysy kelgen máselesi saýalnama ishinde qamtylmaǵan bolsa, ol máseleni óz atynan engize alady. Turǵyndar saýalnamaǵa ózine yńǵaıly túrde jaýap bere alady. Atap aıtqanda, partııanyń saıty arqyly, áleýmettik jeliler arqyly (Facebook, WhatsApp, Instagram, Telegram, Twitter), qajet bolǵan jaǵdaıda qaǵaz túrinde de jaýap berý múmkindigi bar. Saýalnamanyń nátıjesinde biz ár salaǵa qatysty máselelerdi anyqtap, sol boıynsha odan ári jumys isteıtin bolamyz. ıAǵnı qoǵamdyq uıym retinde halyq kórsetken túıtkildi máselelerdi quzyrly organdarǵa saýal jiberý arqyly sheshimin izdestiremiz», - dedi ol.
2020 jyldyń 24 qyrkúıeginde bastalǵan «El amanaty» jalpyulttyq saýalnama 25 qazan kúni aıaqtalady.
Aıta ketsek, buǵan deıin habarlaǵanymyzdaı «Aýyl» partııasy tóraǵasynyń orynbasary Tóleýtaı Raqymbekov Aqmola oblysy, Bulandy aýdany, Qaraózek aýylynyń el-jurtymen kezdesti. Júzdesý barysynda aýyl turǵyndary ózderin tolǵandyrǵan máselelerdi ortaǵa saldy.