Qazaqstandyq saıahatshy Seýlden Pýsan qalasyna velosıpedpen jetpek
NUR-SULTAN. QazAqparat – 35 jastaǵy almatylyq Damır Kýsheev áýesqoı velosaıahatshy. Ol alǵashqy saparynda baýyrymen birge Almatydan Semeıge jaıaý júrip barǵan. Keıin velosıpedke kóshken. Búginde ol velospedpen elimizdiń birneshe óńirinde jáne Túrkııada bolyp qaıtty. Endi jol Ońtústik Koreıaǵa túsip otyr. Osy oraıda QazAqparat tilshisi jerlesimizben jańa sapar týraly áńgimelesken edi.
«Men aldymen volontermin. Ótken jyly pandemııada qalalar jabylǵan kezde men kishigirim komanda jınaqtap, volonterlikpen aınalystym. Bizdiń komanda indet órship turǵanda qoldaýǵa muqtaj jandarǵa azyq-túlik, kıim jáne zattaı kómek kórsetti. Sondaı-aq, bizdiń volonterler qalalyq deńgeıde uıymdastyrylǵan túrli qaıyrymdylyq aktsııalarǵa da belsene qatysty. Pandemııa rettelip, eldegi jaǵdaı bir qalypqa kelgen soń. Ótken jyly men baýyrymmen birge «Abaıǵa aparar jol» (Pýt k Abaıý) atty jobany qolǵa aldyq. Maqsat – uly aqynnyń 175 jyldyq mereıtoıyna oraı baýyrym ekeýmiz Almatydan Semeıge jaıaý barýǵa bel býdyq. Solaısha 46 kúnniń ishinde 1 200 shaqyrymdy baǵyndyryp Abaıdyń týǵan mekenine jaıaýlatyp jettik. Keıin maǵan tanystarym nege velosıped nemese kólikpen júrmeısiń degen oı saldy. Sodan keıin kelesi saparym velosıpedpen bastaldy», - dedi Damır Kýsheev.
ıAǵnı saıahatshy vılosıpedpen Almatydan 5 oblystyń aýmaǵy arqyly 2 200 shaqyrymdy júrip ótip Aqtóbege jetedi. Jáne bir aıta ketetin jaıt velosaıahatshy saparda jalǵyz júredi.
«Saıahat bıylda óz jalǵasyn tapty. Jáne ol Túrkııadan bastaldy. Men jazda Túrkistannan Ystanbulǵa ushyp baryp, odan ári Túrkııanyń birneshe qalasyn velosıpedpen aralap shyqtym. Aldymen Ystanbuldan Antalııaǵa bardym, keıin Izmırge, odan soń Ankaraǵa jettim. Ankarada bizdiń elshiliktiń uıymdastyrýymen Táýelsizdiktiń 30 jyldyǵyna oraı velojarys uıymdastyrdyq. Óte joǵary deńgeıde ótti», - deıdi ol.
Osylaısha jerlesimiz Túrkııanyń birneshe qalasynda bolyp, velosıpedpen 36 kúnniń ishinde 2 700 shaqyrymdy baǵyndyrypty.
«Odan bólek, osy kúzde taǵy óz elimizde saparlattym. 12 qazanda Almatydan velosıpedpen shyǵyp Semeı, Óskemen, Pavlodar, Nur-Sultan jáne Qostanaı aýmaǵyn júrip óttim. Búgin taǵy jolǵa daıyndalyp jatyrmyn. Buıyrsa Ońtústik Koreıa astanasy Seýlge ushamyn. Kezekti velosherýim Seýlden bastalady. Nege Koreıa degen suraqqa kelsek. Kelesi jyly 28 qańtarda Qazaqstan men Ońtústik Koreıa arasynda ekijaqty dıplomatııalyq qarym-qatynastyń ornaǵanyna 30 jyl tolady. Osyǵan oraı velosıpedpen Seýlden Pýsan qalasyna deıin júrip ótpekpin. Atalǵan 2 qalany álemdegi eń uzyn velojol baılanystyryp jatyr. Ózińiz biletindeı Memleket basshysy bıyl tamyzda jumys saparymen Ońtústik Koreıaǵa bardy. Sapar barysynda Qasym-Jomart Toqaev Seýlde Abaı eskertkishiniń ashylýyna qatysty», - dedi velosaıahatshy.
Sondaı-aq, ol Seýldegi Abaıdyń eskertkishine baryp, taǵzym bildiretinin aıta kele, qazaqstandyqtardy atalǵan eldiń tarıhy, mádenıeti jáne tirshiligimen tanystyrǵysy keletinin jetkizdi.
«Qazir Ońtústik Koreıaǵa attanýǵa saqadaı saı otyrmyn. El teńizge jaqyn ornalasqandyqtan aýa raıy ylǵaldy, jańbyrly jáne jeldi bolyp keledi. Oǵan da daıyndaldym. Biraq vıza jaǵynan kishkene kedergiler boldy. Pandemııaǵa baılanysty kóptegen elder týrısterdiń kelýine tyıym salyp jatyr. Onyń ishinde Koreıa da bar. Men baqytyma oraı, 24 jeltoqsan kúni vızaǵa qol jetkizdim. Bári jospardaǵydaı bolyp jatsa, Koreıaǵa saparym kelesi jyly 20 qańtarǵa deıin jalǵasady jáne 700 shaqyrymdy velosıpedpen júrip ótpekpin. Jáne sapar barysynda Instagram, Tik-Tok jelisine vıdeo, foto júktep otyramyn», - dedi
