Qazaqstandyq sáýletshi Astanaǵa ystyqtan qorǵaıtyn erekshe kúmbez ornatýdy usyndy

"Esterińizde bar ma, kezinde elorda ústin kúmbezben jabýdy oılastyrǵan bolatyn. Qazir ǵalymdar elektromagnıtti óris boıynsha jumys jasap jatyr. "Eki deńgeıli qabyrshaq" dep atalady. Aýa-raıy nashar, qatty ystyq bolǵanda jabylady. Keshe mysaly, aptap ystyq boldy. Shymkentten de asyp túsken shyǵar, shyny kerek. Osyndaı ystyq ótpeýi úshin, jaýyp qoısań bolady. Qurylǵy qoıylady. Aýany da ótkizedi, ystyqtan da qorǵaıdy", - deıdi ol.

Osydan úsh jyl buryn jergilikti arhıtektor Evgenıı Nevelıchkov ta osyndaı usynys tastaǵan bolatyn. Onyń oıynsha, móldir, kózge kórinbeıtin kúmbez Astananyń sol jaq jaǵalaýyn ystyqtan qorǵap qana qoımaıdy, týrısterdiń aǵylýyna da septigin tıgizer edi. Ol joba 1 mlrd. dollar bolady dep eseptep qoıǵan da bolatyn. Degenmen joba týrıster men energııa únemdeý arqyly ózin bir jyldyń ishinde aqtaıdy dep sanady.